Fampianarana

FARMSHOP Manofana maimaim-poana ny mpiompy

Fampianarana
Alakamisy 03 Aogositra 2017

Orinasa mpaninjaran’ ny Avitech sy ny LFL ny Farmshop. Mivarotra provandy manaraka ny fenitra iraisam-pirenena izy ireo ao anatin’izany no sady mivarotra akohokely vao fohy iray andro ihany koa.

Manome fiofanana maimaim-poana ireo tantsaha mpiompy etsy amin’ny Stade annexe Mahamasina izy ireo nanomboka omaly, ao anatin’ilay foara ara-toekarena Fiermada. Ny Alahady ho avy izao izany vao hifarana iarahana amin’ireo teknisiana efa matihanina misahana ny resaka fiompiana. Raha araka ny fanazavan-dRatovoaritsoa Lila, tompon’andraikitra ara-barotra eo anivon’ny orinasa Farmshop dia tsy mijanona ho an’Antananarivo irery izao fanofanana mpiompy izao fa efa misadrahaka manerana ny Nosy mihitsy. Tanjona ny mba hahafahan’izy ireo manatsara ny fari-piainan’ny tantsaha mpiompy ho fampandrosoana ny isam-paritra. Marihina moa fa manana karazam-pitaovana maro hahafahana manampy ireo mpiompy ihany koa ny farmshop. Hankalaza ny fahadimy taona niorenany ny orinasa amin’ity taona 2017 ity.

Pati