Fampianarana

Partagé sur :
• facebook

Taorian’ny fialan-tsasatry ny pesta dia miditra amin’ny fialan-tsasatry ny rivodoza indray ireo mpianatra ao anatin’ny fari-piadidiam-pampianarana maro nanomboka omaly toy ny eto Antananarivo Renivohitra, Atsimondrano ary Brickaville.

 Ny Alakamisy indray ireo mpianatra voakasik’ireo Cisco telo ireo vao hiverina hianatra noho izany raha tsy sanatria mbola hiampy indray miankina amin’ny fiakaran’ny rano…Samy manana ny paikady hiatrehany ny fahatapahana ny sekoly tsirairay avy amin’ny ankapobeny, indrindra ireo tsy miankina. Ho an’ny lisea La Prime etsy Anosibe manokana dia tsy maintsy hampianarina avokoa ireo mpianatra hiatrika ny fanadinam-panjakana manomboka izao isaky ny sabotsy hahafahana mamita ny programa. Hojerena manokana ihany koa ireo kilasy tsirairay, raha araka ny fanazavan’ny taleny Solonandriana Lanto. Nahitana lesoka ny fomba nampitan’ny minisitera iny vaovao iny. Omaly maraina tamin’ny 6 ora sy sasany mantsy vao tena nandefa vaovao mazava mikasika ny tsy fianaran’ny mpianatra izy ireo izay nomarihiny manokana fa mbola tany amin’ny faran’ny vaovao ihany koa. Ny mpianatra ato aminay anefa hoy izy miditra amin’ny 7 ora maraina avokoa ny secondaire ka voatery nianatra ihany izahay omaly maraina. Maro ireo nitaraina mafy ny amin’ny fahataran’ny fomba fiasa eo anivon’ny minisiteran’ny fanabeazam-pirenena, indrindra fa ny fampitam-baovao mahakasika ny besinimaro tahaka izao.

Pati

Tia Tanindrazana

Samia mijoro ho an'i Gasikara.