Fampianarana

Fanapahan-kevitra momba ny fampianarana “Tandrametaka ny ataon’ny minisitera ankehitriny”

Fampianarana
Alatsinainy 26 Aogositra 2019

Adihevitra lehibe tato ho ato ny resaka fanovana ny tetiandrom-pampianarana sy ny resaka PSE (Plan Sectoriel de l’Education), izay naverin’ny fitondram-panjakana ankehitriny amin’ny endriny teo aloha,

na nisy aza ny efa fidirana tsikelikely tamin’ilay drafitra efa voavolavola. Tsy izay nataon’ny teo aloha akory dia ratsy avokoa. Mila mailo ary tsy maimaika hanova fa nisy zavatra tsara teo, hoy ny depiote Todisoa Andriamampandry, izay efa Tale jeneralin’ny fanabeazam-pirenena teo aloha ihany koa. Nambarany fa rehefa hanova dia tokony hisy fiaraha-midinika, vao miara-mandray fanapahan-kevitra fa tsy tandrametaka ohatr’izao akory no handravana zavatra fa manjary simba ny fampianarana, kanefa tsy hisy firenena handroso ary manosihosy ny taranaka sahala ny ataon’ny minisitera amin’izao, hoy ny depiote.

Toky R