Fampianarana

Fanamboarana sy fanavaozana Mandany 4.400.000 Ar isan-taona ny sekoly iray raha kely

Fampianarana
Alarobia 30 Aogositra 2017

Herinandro vitsy sisa no isaina dia hiverina an-tsekoly ireo mpianatra manovo fahalalana eny anivon’ny sekoly tsy miankina manerana ny Nosy.

Ireo tompona sekoly kosa eo an-daniny efa milona tanteraka ao anatin’ny fikarakarana ny sekoly sy ny manodidina toy ny fanamboarana ny tokontany, ny fanoloana ny dabilio samba, ny fandokoana ny atiny sy ivelan’ny trano ho an’ny sekoly tsy miankina La Prime etsy Anosibe. Raha ny fanazavan’ny talen-tsekoly Solonandriana Lanto dia mahatratra 4.400.000 Ar isan-taona ny vola lanin’izy ireo amin’ny fanamboarana sy fikarakarana ny sekoly rehefa ankatoky ny fidiran’ny mpianatra tahaka izao. Anisan’ny mandany ny fandokoana ny sekoly. Mahatratra 20.000 Ar isaky ny dabilio ihany koa ny vola lany entina hanamboarana ny simba ary 70.000 Ar ny iray vaovao. Efa miverina miatrika fiofanana eo anivon’ny sekoly ireo mpampianatra miisa 60 ao amin’ny La Prime taorian’ny fiofanana natrehiny tany ivelany.

Pati