Fampianarana

Fanafoanana CEPE Hampitombo isa ireo mpianatra handao sekoly

Fampianarana
Talata 02 Mey 2017

Mikorontana tanteraka ny sain�ny ray aman-drenin�ny mpianatra manoloana ny fanovana ny rafi-panabeazana eritreretin�ny mpitondra hatao eto Madagasikara.

Mifamahofaho be ihany mantsy hatreto ny serasera havoakan’ny minisiteran’ny Fanabeazam-pirenena. Tsy mazava ary tsy ara-potoana rahateo ny fanazavana mikasika ny fanatsarana tian’ny fanjakana foibe hapetraka, hoy ny avy amin’ny PACA (Plateforme des Associations Chargées d’Asama et de Post-Asama). Hokitihana, ohatra, ny alimanakan’ny taom-pianarana ka eo anelanelan’ny desambra hatramin’ny febroary no misy ny fialan-tsasatra lehibe. Antony ny fialàna amin’ny fotoam-pahavaratra sy ny maitso ahitra. Heno anefa ankehitriny fa hotazonina indray ny rafitra taloha. Mandeha koa ny resaka fa hofoanana ny fanadinana CEPE (Certificat d’Etudes Primaires Elementaires). Anisan’ny mandrisika ny mpianatra hiditra an-tsekoly ny fahazoana io diplaoma io na tsy mahasakana ny taham-pitsoahana an-dakilasy ambony ao amin’ny taona faha-3 sy taona faha-4 aza. Tsy hitondra vokatsoa ho an’ny maro an’isa mantsy ny misondrotra kilasy satria ny manam-bola hatrany no tafiditra mpiasam-panjakana sy afaka hanaraka fiofanana arak’asa, araka ny fanamarihan’ity vovonan’ny fikambanana mpisehatra ny ASAMA (Asa Sekoly Avotra Malagasy) ity.

Ramano F.