Fampianarana

Fanadinana CEPE Tsara ny vokatra ho an’ny ZAP Ambavahaditokana

Fampianarana
Alatsinainy 02 Septambra 2019

Namoaka ny valim-panadinana CEPE ny ZAP enyAmbavahaditokana Itaosy Atsimondrano ny sabotsy maraina teo teto amin’ny Faritra Analamanga.

Tamin’ny 07 ora maraina no nivoaka tao amin’ny CEG Amboatavo ka mpianatra 124 tamin’ireo 619 nanatrika izany no nanao ny tsy ambinina. 500 latsaka kosa no afaka soa aman-tsara saingy olana indray ny toerana hametrahana azy ireo. Raha araka ny fanazavan’ny talen-tsekoly ao amin’ny CEG Amboatavo dia 120 amin’izy ireo ihany no azo raisina hianatra ao amin’ity sekoly ambaratonga faharoa ity amin’ity taona 2019 ity nefa marobe ireo afaka. Efa nisy ihany, hoy izy ny ezaka nataon’ny ray aman-dreny tamin’ny fananganana efitrano fianarana iray fahafito vaovao fa tsy mbola nisy mihitsy ny tolo-tanana avy amin’ny fitondram-panjakana. Hankalaza ny faha-15 taona niorenany amin’ity taona ity ny CEG Amboatavo ka amin’io fotoana io no hanokanana ilay efitrano fahafito vaovao.

Pati