Fampianarana

Fanadinana CEPE sy BEPC Nihena ny isan’ireo mpiadina ho an’Antananarivo

Fampianarana
Alarobia 03 Jolay 2019

Nisy fihenana ny taham-pandraisana anjara amin’ny fanadinam-panjakana CEPE sy BEPC eto amin’ny fari-piadidiam-pampianarana Antananarivo ho an’ny taona 2019.

Ny 27 aogositra no hanatanterahana io fanadinam-panjakana voalohany io. Miisa 28 648 ny mpiadina ho an’ny CEPE, izay nisy fidinany 8,71% mitaha amin’ny tamin’ny taon-dasa. Nisy fihenana 1,74% ihany koa ny mpiadina BEPC, izay miisa 27 525 mandray anjara ka ny 9-12 septambra no hotanterahina. Tsy tahaka ny isan-taona izany ny taham-pandraisana anjara fa nidina tamin’ity, izay mety ho taratry ny fisian’ny olana eo amin’ny tontolon’ny fampianarana na koa tsy fahavitrihana tsotr’izao.

Toky R