Fampianarana

Fanadinana CEPE Niharatsy ny vokatra

Fampianarana
Talata 27 Jona 2017

Nivoaka ny alahady maraina teo ny voka-panadinana CEPE ho an’ny fari-piadidiam-pampianarana Antananarivo Renivohitra. Mpiadina 17.201 tamin’ireo 30.930 niatrika izany no afaka.

Nihena 2 % mahery ny salam-pahafahana raha oharina tamin’ny taon-dasa. Nahatratra 58 % tamin’ny taom-pianarana 2015-2016 ary nihena ho 56,26 % tamin’ity taom-pianarana 2016-2017 ity. Raha araka ny fanazavan-dRakotozafy Ramasy Harisoa, lehiben’ny fari-piadidiam-pampianaran’Antananarivo Renivohitra dia ny lazaolana na (problème) no tena mafy tamin’ireo mpiadina ka anisan’ny lalana iray nampitotongana ny voka-panadinana. Nivoaka tamin’ny sabotsy io ihany koa ny voka-panadinana hidirana ao amin’ny taona fahenina izay karazana fifaninanana ihany ho an’ireo mpianatra nahazo ny naoty 10 amin’ny 20 no mihoatra. Efa saika nivoaka tamin’ny sabotsy koa ny voka-panadinana nanerana ny distrika maro manodidina ny renivohitra toa an’Atsimondrano, Arivonimamo, Faratsiho izay saika nahitana fihenana avokoa. Rehefa nangonina ny vaovao tany amina faritra hafa dia mbola nahitana taratra fa nihena ny ankizy afa-panadinana. Tranga izay mampanahy ary mila fanaraha-maso hentitra satria mbola mety hikorontana rehefa irosoana ilay fanitsiana ny drafi-pampianarana.

Pati