Fampianarana

Fanadinana CAP sy CFA 1.559 ireo mpiadina manerana ny nosy

Fampianarana
Talata 15 Septambra 2020

Tontosa soamantsara omaly alatsinainy 14 septambra ny andro voalohany hanatanterahana ny fanadinana hahazoana ny mari-pahaizana Certificat d’Aptitude Professionnelle (CAP) sy ny Certificat de Fin d’Apprentissage (CFA)

tanterahin’ireo mpiadina miisa 1.559 manerana ny Nosy. Nanokatra ny laza adina tamim-pomba ôfisialy tetsy amin’ny lisea teknika Ampefiloha Atoa Tsikel’Iankina Ernest, Minisitry ny Fampianarana Teknika sy ny Fanofanana arak’Asa. Nirary soa sy nitso-drano ireo mpanala fanadinana izy nandritra izany no sady nanafatrafatra ny amin’ny tokony hanajana hatrany ireo fepetra ara-pahasalamana rehetra hisorohana ny mety ho fiparitahan’ny valan’aretina Covid 19.Marihana fa miisa 1.283 ireo mpiadina miatrika ny CAP ary 276 kosa ny miatrika ny CFA izay nitsinjara tamina ivon-toeram-panadinana miisa 49. Mitovy avokoa ny laza adina manerana ny Nosy ary ireo fandaharam-pianarana vita ihany no hanadinana. Na izany aza hoy ny Ministra dia efa vita hatrany amin’ny 90 % ny fandaharam-pianarana na ho an’ny sekolim-panjakana izany na ho an’ny tsy miankina. Haharitra efatra andro ny fanadinana CAP raha telo andro kosa ny CFA.

Pati