Fampianarana

Partagé sur :
• facebook

Hivoaka ny sabotsy 19 oktobra ho avy izao ny valin’ny fanadinana bakalôrea ankapobeny izay notanterahina nanomboka ny 30 septambra lasa teo.

Ny antony dia noho ny fisian’ny fihodinana faharoa. Nampitomboina ny isan’ireo mpandraharaha sy mpitsara ny fanadinana, hoy ny fanazavan-dRtoa Blanche Nirina Richard, minisitry ny fampianarana ambaratonga ambony sy ny fikarohana siantifika nandritra ny fitsidihana nataony tetsy amin’ireo foibem-panadinana LMA sy LTC Ampefiloha nanatanterahana ny fanadinana Bakalôrea teknika sokajy faharoa izay nanomboka omaly. Mamdritra ny efatra andro ny fitsarana ary miditra amin’ny 7ora maraina hatramin’ny 5ora hariva. Efa eo am-pamolavolana ny laza adina Bakalôrea 2 eme session ihany koa ireo tompon’andraikitra amin’izao raha ny fanazavany hatrany. Hanomboka ny 23 ka hatramin’ny 26 oktobra ho avy izao  kosa ny fanadinana,  entina hanampiana ireo sanatria hanao ny tsy ambinina. Ho hentitra ny fanaraha-maso hataon’ity minisitera ity. Tsara ny mampahatsiahy fa andro vitsy monja no hanaovan’ny mpianatra tsy afaka bakaôrea fialantsasatra amin’ity taona 2019 ity. Ny  28 oktobra  ho avy izao mantsy no hanomboka  ny fidirana ofisialy ho an'ny sekolim-panjakana araka ny navoakan'ny minisitry ny fanabeazam-pirenena sy ny fampianarana teknika. Ny 23 hatramin'ny 26 oktobra kosa anefa ny fihodinana faharoa ho an’ireo mpiadina tsy afa-panadinana Bakalôrea, izany hoe tsy  mivaly akory ity fanadinana farany  ity dia hanomboka indray ny taom-pianarana  vaovao  manaraka.

Pati

Tia Tanindrazana

Samia mijoro ho an'i Gasikara.