Fampianarana

Fanadinam-panjakana 226.000 ireo mpiadina hisantatra ny CEPE

Fampianarana
Talata 01 Septambra 2020

Hanomboka anio ny andiany voalohany amin’ny fanadinana CEPE, araka ny tetiandro nofaritan’ny ministeran’ny fanabeazam-pirenena na mbola mihatra eto amin’ny tanin’ny Repoblikan’i Madagasikara aza ny hamehana ara-pahasalamana noho ny valanaretina coronavirus aza.

Faritra miisa enina ao anatin’ny Faritany Antananarivo sy Antsiranana no hisantatra izany dia Analamanga, Bongolava, Itasy, Vakinankaratra DIANA ary SAVA. Mpiadina maherin’ny 226.000 no hiatrika fanadinana anio, ka ny 172.000 mahery ato amin’ny Faritany Antananarivo ary ny 54.000 mahery ao anatin’ny Faritany Antsiranana. Nirary soa sy fahombiazana ho an’ny ankizy rehetra hiatrika ny fanadinana ampitoniana ny minisitry ny fanabeazam-pirenena. Fanadinana voalohany amin’ny fiainana, ary fianarana efa natao tany am-pianarana ihany no hanadinana ho izy, niantso ny ankizy ho tony. Nisaotra sy mankahery ny mpisehatra rehetra amin’ny fanatanterahana izao fanadinana izao ihany koa ity farany.

Jean D.