Fampianarana

Fanabeazana 60 taona nanabeazana ny Cemeam

Fampianarana
Alatsinainy 29 Janoary 2018

Nofaranana tamin’ny sabotsy 27 janoary lasa teo ny fankalazana ny faha-60 taonan'ny Centre d' Entrainement aux Méthodes d' Education Active à Madagascar (CEMEAM) rehefa nosokafana ny 10 jona 2017 tamin'ny taona lasa.

Niara-nikorana, niara-nifaly sy nandihy ireo mpikambana sy ireo olona nasaina. Tonga maro be ireo mpikambana ary nifankahita indray ireo mpiofana tamin'ny taona 60-70 sy ireo taty aoriana rehetra. Marihina fa tamin'ny taona 1957 no nanomboka nandray ny asany ny CEMEAM teto Madagasikara. Raha ny fahafantaran'ny maro azy dia mpitondra colonie de vacances izy ireo ary mbola manohy izany hatramin'izao. Manofana ireo rehetra hitondra mpianatra ihany koa toy ny tale, ny ekònome ary ny mpanentana. Efa maro ireo nandalo tao amin'ny fikambanana satria izay nandray ny fanabeazana tamin'ny Cemeam mantsy dia tonga dia mpikambana avokoa araka ny fitsipika. Efa nisy tamin'ireo mpitondra teto Madagasikara no mpikambana tao o raha tsy hilaza afa tsy ny filoha teo aloha Philibert Tsiranana. Maro ireo mpikambana nandalo niofana tamin'ity fikambanana ity, anisany ireo conseillers pedagogiques, ireo élèves professeurs niofana ho mpampianatra. Efa maro be ireo nandray ny fanabeazana Cemeam nandritra izay taona maro izay. Mitohy ny asany fa tsy hijanona eo ary inoana fa hitondra vokatra tsara eo amin'ireo mpandray ny fiofanana, indrindra amin'ny fampandrosoana ny Firenena.

Marigny A.