Fampianarana

Fampianarana teknika sy fanofanana arak’asa “Tanora 1 000 000 no tokony ho voafohafana”

Fampianarana
Zoma 21 Aogositra 2020

Tokony hisy tanora ho voahofana 1 tapitrisa ao anatin’ny 3 taona, hoy ny toromariky ny Filoham-pirenena Rajoelina ho an’ny Minisitry ny fampianarana teknika sy ny fanofanana arak’asa Atoa Ernest Tsikeliankina. Ara-panabeazana 4 200 000 eo ny ambaratonga voalohany, ary rehefa tonga any amin’ny kilasy 3ème, dia 300 000 eo sisa.

Tokony hiakatra izany, ary hisy “mésure d’accompagnement” na tohana ampiarahana amin’izany, hoy ny Filoham-pirenena. Mampisy elanelana be eo amin’ny zaza Malagasy ihany koa ny ora fianarana, ka isan’ny hojerena izany. Nisy avy hatrany omaly ny Filankevitry ny Minisitra mivantana, izay nilazan’ny Filoham-pirenena fa mahomby ny ady amin’ny covid-19, izay antony tsy nanaovana ny filankevitry ny minisitra voalohany omaly tsy natao tamin’ny alalan’ny “visioconférence”.

Toky R