Fampianarana

Fampianarana teknika Ny 2 %-n’ny afaka baka teknika no tafiditra any amin’ny pôliteky

Fampianarana
Talata 12 Jona 2018

Nivoaka tamin’ny fahanginana ireo sendikan’ny mpiasa mpampianatra mpampiofana eo anivon’ny minisiteran’ny fampianarana teknika sy ny fanofanana arak’asa omaly.

Nambaran’izy ireo fa tena marary ny fampianarana teknika eto amintsika ka mila fanovana. Ny 2 %-n’ireo mpianatra afaka baka teknika ihany mantsy isan-taona no tafiditra eny amin’ny politeknika, hany ka very vola fotsiny ny ankamaroan’ny ray aman-dreny. Ilay fomba fampianarana mihitsy no tsy mandeha amin’ny laoniny, hoy Randrianandrasana Augustin Denis anisan’ireo mpikambana ao anatin’ny sendika. Azon’ilay ankizy tsara ny fanontaniana apetraka aminy saingy ilay fomba hamaliana azy no tsy fantany. Ilana fanovana miaraka amin’ny minisitra tompon’andraikitra izany. Minisitra mahay tsara ny momba ity minisitera ity sy ny fiofanana omeny ny tanora mpianatra ihany koa hahafahana miady amin’ny tsy fananan’asa no tokony homena ny toerana. Anisan’ny anarana efa nalefan’izy ireo eny am-pelatanan’ny praiminisitra Ntsay Christian ny anaran’Atoa Ali Imra, mpampianatra mpampiofana eo anivon’ity minisitera iray ity sady filohan’ny sendika S3MF nefa Rahantasoa Lydia no tafiditra.

Pati