Fampianarana

Fampianarana teknika 19 mianadahy nahazo vatsim-pianarana ho any Maroc

Fampianarana
Alakamisy 20 Desambra 2018

Ankizy 19 mianadahy nanaraka fiofanana manokana teny anivon’ireo lisea teknika manerana ny Nosy no nahazo vatsim-pianarana hiazo an’i Maroc ary hiainga amin’ny Alahady ho avy izao eto an-tanindrazana.

Roa taona no faharetan’ny fianarana izay hotanterahin’izy ireo any an-toerana ka ny fanjakana Malagasy avokoa no hiantoka ny lany amin’izany. Afaka omaly Talata izy ireo no notsofin-dramatoa Rahantasoa Lydia Ministry ny fampianarana teknika sy ny fanofanana arak’asa rano teny amin’ny birao fiasany ka nanomezany hafatra mafonja azy 19 mianadahy ireto. Nambarany tamin’izany fa volam-bahoaka no handefasana azy ireo hanohy fianarana any ivelany noho izany tsy tokony handraraka ilomby an-doha ny voninahitr’i Madagasikara izy ireo. Nanaiky soa aman-tsara izany ireo mpianatra izay tsiahivina fa handalina bebe kokoa ny lalam-piofanana BTP ny sasany, ny geometre topographe, ny electro-mecanique…. Anisan’ny nahatafavoaka mpianatra tamin’izany moa ny lisea teknika etsy Alarobia, ny etsy Mahamasina, ny eny Vontovorona, Antsirabe, Tsiroanomandidy, Toliara, Fianarantsoa….

Pati