Fampianarana

Fampianarana ambaratonga ambony Miezaka manome vahana ny sehatry ny fikarohana

Fampianarana
Alakamisy 15 Jona 2017

Miezaka manome vahana hatrany ny sehatry ny fikarohana ny minisiteran’ny fampianarana ambaratonga ambony sy ny fikarohana siantifika tarihin’ny minisitra Rasoazananera Monique.

Notanterahina omaly teny amin’ny foiben’ny minisitera eny Tsimbazaza ny forum de la recherche, hetsika tanterahina in-telo isan-taona, notarihin’ny praiminisitra lehiben’ny governemanta Solonandrasana Olivier. Nambaran’ity farany nandritra izany fa tena zava-dehibe ho an’ny firenena toa antsika tokoa ny fanomezana vahana ny sehatry ny fikarohana tahaka izao hahafahana mampandroso ny firenena. Fotoana iray hanehoana amin’ny rehetra ihany koa izao fa tena ilaina ny fikarohana ho an’ireo mpikaroka mpampianatra sy mpampianatra mpikaroka hamaliana ny filan’ny mponina amin’ny fiainana andavanandro. Betsaka amin’ireo zava-maniry ananantsika eto an-toerana no azo avadika ho akora hafa hikarakarana ny tarehy, hanaovana fanafody nefa tsy ananan’ny firenen-kafa. Tanjona tamin’izao hetsika izao moa ny hanehoana amin’ny mpiara-belona fa ilaina hatrany ny sehatry ny fikarohana ho fampandrosoana ny firenena.

Pati