Fampianarana

Fampianarana ambaratonga ambony Efa misy eto ny oniversite dizitaly

Fampianarana
Alakamisy 19 Novambra 2020

Tontosaina etsy amin’ny Pavé Antaninarenina anio sy rahampitso ny hetsika

“Salon de l’orientation et guide des études supérieures” andiany faha 21. Tafiditra ao anatin’ny fankalazana ny faha 10 taonan’ny mpikarakara dia ny fikambanan’ireo tanora mpampianatra sy mpianatra mpikaroka eto Madagasikara na Ajeem izy ity ary isan’ny hampiavaka ny hetsika ankoatran’izay ny fandraisan’anjarana sekoly ambony miisa 21 eto Madagasikara. Zava-baovao ho hita ao ihany koa anefa ny mikasika ny atao hoe oniversite dizitaly izay tsy ilana fifanatrehana mivantana eo amin’ireo mpianatra sy tomponandraikitra na mpampianatra fa amin’ny alalan’ireo fitaovana nomerika maro samihafa dia ampy hampitana fahaizana amam-pahalalana, hoy ny fanazavana. Efa misy eto amintsika io karazana oniversite io ary hanao fampirantiana ao an-toerana. Isan’ny tombony goavana ao anatin’ny fisian’izany ny tsy fahataran’ny fandaharam-pianarana na inona na inona toe-draharaha miseho eto amin’ny firenena. Manoloana ny ahamehana ara-pahasalamana moa dia vinaniana hatreo amin’ny 1000 isa ireo hitsidika ity hetsika ity raha nahatratra 2000 izany tamin’ireo hetsika teo aloha, raha ny voambara hatrany

J. Mirija

Legende: Ny solontenan’ireo mpandray anjara sy mpikarakara