Fampianarana

Fampandrosoam-pirenena Mbola lavitra ezaka, hoy ny mpampianatra mpikaroka

Fampianarana
Sabotsy 05 Aogositra 2017

Nanazava ny lohahevitra hoe « Ny Ntaolo, ny sera sy ny fampianarana izany ankehitriny » ny mpampianatra mpikaroka, Jean Jules Harijaona,

izay manam-pahaizana manokana momba izay lafiny serasera izay, tetsy amin’ny Trass Tsiadana ny alarobia teo. Antony namelabelarany izany, raha ny fanazavany, dia satria manana anjara toerana goavana amin’ny fiainam-pirenena io resaka serasera io. Amin’izao, hoy izy, raha misy olana kely, toy ny tsy fahampian’ny mpampianatra, dia tsy ny fototry ny olana no jerena fa vahaolana vonjimaika hatrany, toy ny fandraisana FRAM. Na eo amin’ny lafiny politika koa aza, hoy izy, raha tsy hiresaka afa-tsy fifidianana, ohatra, dia ny olom-pirenena mihitsy no mila fanabeazana mba hahaizany hifidy fa na mangarahara sy tomombana aza ny fifidianana ka tsy mahay mifidy ny vahoaka dia tsy hampiova toe-draharaha na oviana. Isan’ny nandray anjara fitenenana tamin’ny hetsika moa ny filoha tale jeneralin’ny Vidy varotra, Tahiana Razafinjoelina ary dia nilaza izy fa isan’ny voizina an-tserasera amin’izao ihany koa ny fampirisihana hifaninana kanefa dia ny fifanohanana sy fifanampiana izao no ilaina raha tiana ny handroso.

J. Mirija