Fampianarana

Famitana ny taom-pianarana Hiditra ny 28 septambra ny oniversite

Fampianarana
Alakamisy 10 Septambra 2020

Tapaka nandritra ny visio-COPRIES ny 08 septambra 2020 fa hiditra amin'ny 02 Novambra 2020 ny oniversite rehetra araka ny efa nambaran'ny filoham-pirenena Andry Nirina Rajoelina ny Alahady 6 septambra lasa teo,

hoy ny Minisiteran’ny Fampianarana ambony sy ny fampianarana ara-tsiansa, tarihin’ny Minisitra Pr Assoumacou Elia Béatrice. Ho an'ny mpianatra mbola tsy nahavita ny taom-pianarana, izay oniverisite 4 amin’ny 8 eo, dia amin'ny 28 septambra izao no hanombohana ny famitana izany araka ny fanapahan-kevitra noraisan'ireo filohan'ny oniversite rehetra izay tompon'andraikitra voalohany amin'ny fanatanterahana izany. Napetraka ireo daty ireo mba ho fitsinjovana sy hanomezana fotoana hiverenan’ireo mpampianatra, mpianatra, izay efa saika namonjy ny toerana sy Faritany misy azy avy. Hitsinjovana ihany koa ireo Ray aman-dReny amin'ny fanomanana ny vatsy ho an'ireo mpianatra entina miatrika ny taom-pianarana 2019-2020. Taom-pianarana 3 no tsy maintsy harindra amin'izao fotoana izao : ny 2018-2019 , 2019-2020 ary ny fanomanana sahady koa ny 2020-2021 izay voakasika sy voakorontan'ity valan'aretina covid-19 ity avokoa.

Toky R