Fampianarana

Partagé sur :
• facebook

Rehefa nihaona tamin’ny praiminisitra dia nifanaiky fa hampiato ny fitokonana sy hiverina hanao ny asa fampianarana sy fikarohana ny Seces,

 raha ny fanazavan’ny filohan’ity sendikan’ny mpampianatra mpikaroka eny amin’ny oniversiten’Antananarivo ity, Sammy Gregoire Ravelonirina. Efa nampanantena handray andraikitra rahateo ny fitondrana. Tsy sasatry ny miezaka mampahatsiahy ny eo anivon’ny minisitera mpiahy sy ny eo anivon’ny kabinetran’ny primatiora izahay hoe nisy ny fifampiresahana. Efa in-droa miantoana no nisian’ny fifampiresahana tamin’ny minisitra tompon’andraikitra hijerena ny tokony hatao. Natao laharam-pahamehana, ohatra, ny resaka « reclassement » izay nijanona 3 taona teo ho eo. Hisaorana ny minisitera mpiahy aloha ny fikarakarana ireo ary efa henonay koa ny vaovao avy ao amin’ny minisiteran’ny vola sy tetibola ary toekarena fa efa mikarakara araka izay azo atao ry zareo, hoy hatrany ity filoha ity. Ny tsy tontosa hatreto dia ny fitsanganana ofisialin’ilay « comité ad’hoc » sy ny fitohizan’ilay « espace de dialogue » izay hotarihin’ny minisitera sy handraisan’ireo mpampianatra mpikaroka manerana ny nosy anjara mba hijerena ny vahaolana sy ny mety ho fanovana ireo rijan-teny sy karazana fehezan-dalàna izay efa lany andro ny sasany ka misy tokony hohavaozina sy hohatsaraina. Tsy mbola tafatsangana ofisialy io komity voalaza io fa andrasana ny fanendren’ny fiadidian’ny primatiora. io anefa no mandrindra sy mandamina ny asa, mamolavola ireo rijan-teny sy lalàna vaovao ary manara-maso ny fanatanterahana ireo fitakiana sy ny fifanarahana nifanaovana tamin’ny fitondrana, hoy hatrany ny filohan’ny Seces Antananarivo.

J. Mirija

Tia Tanindrazana

Samia mijoro ho an'i Gasikara.