Fampianarana

EPP Talatamaty Nahazo tohana tamin’ny Kaominina

Fampianarana
Zoma 16 Oktobra 2020

Dabilio miisa 250, kahie, kitapo ary fitaovam-pianarana, ho an’ireo mpianatra sahabo ho 400 mipariaka amin’ireo EPP miisa 10 ao anatin’ny Kaominina Talatamaty,

Distrika Ambohidratrimo, Faritra Analamanga. Ireo no natolotry ny Ben’ny tananan’i Talatamaty Raharinoasy Eli Dominic, ho fanampiana ireo mpianatra sy Ray aman-dreny hiatrehana ny taom-pianarana vaovao. Mpianatra miisa 10 nahazo ny salanisa ambony indrindra ary afaka tamin’ny fanadinana CEPE farany teo, tao amin’ny ZAP Talamaty ihany koa no notolorana kojakojam-pianarana sy marim-pahatsiarovana. Ny hanomezana risika bebe kokoa ireo mpianatra hanohy hatrany ny ezaka efa vitan’izy ireo no antony, hoy i Raharinoasy Eli Dominic, Ben’ny tanàna eny an-toerana. Fangtatra fa tsy ho ela, ihany koa, ny fitokanana ny EPP vaovao ao Tanjondava, ao amin’ny Kaominina Talatamaty

Jean D.