Fampianarana

EPP Belanitra Merimandroso Notoloran’ny Vivo Energy fitaovana ny mpianatra

Fampianarana
Zoma 24 Novambra 2017

Tonga nijery manokana ireo mpianatra 120 mianadahy manovo fahalalana eo anivon’ny EPP ao Belanitra, kaominina ambanivohitra Merimandroso omaly ny orinasa Vivo Energy.

Saika zanaky ny sahirana ara-pivelomana avokoa no manovo fahalalana eo anivon’ity EPP iray ity. Raha araka ny fanadihadiana natao dia maromaro amin’ireo mpianatra no manapaka lava noho ny tsy fahampian-tsakafo mianjady aminy. Misy ihany koa ireo tsy mba manana fitaovana hampiasaina mihitsy rehefa any am-pianarana, indrindra fa ireo kojakoja madinika toy ny penina…Mba ho fanampiana ireo ankizy ireo dia notoloran’ny orinasa kits scolaires feno izy ireo, ahitana kitapo, kahie…. Ankoatra izay dia nampanantena ny amin’ny fanavaozana sy ny fanitarana ny sekoly ihany koa ny tompon’andraikitry ny Vivo Energy noho ny fahasimban’ny efitranon-tsekoly sasany. Tsara ny manamarika fa anisan’ny asa sahanin’ity orinasa iray ity eto amintsika ankehitriny ny fampiroboroboana ny sehatry ny fanabeazana ankoatra ny fiarovana ny tontolo iainana.

Pati