Fampianarana

EPP Antandrokomby Niakatra ho 22.000 Ar ny saran-pisoratan’anarana

Fampianarana
Talata 29 Aogositra 2017

Mikaikaika avokoa ny ankamaroan’ireo ray aman-drenin’ny mpianatra mampiana-janaka ao amin’ny EPP Antandrokomby kaominina Anosizato Andrefana amin’izao fotoana izao.

Nakarin’ny talen-tsekoly ho 22.000 Ar mantsy ny saram-pisoratan’anaran’ny mpianatra eo anivon’ity EPP iray ity raha 14.000 Ar izany tamin’ny taon-dasa. Raha ny fanazavan-dRakotozandriny Jean Fidele filohan’ny fikambanan’ny ray aman-drenin’ny mpianatra (FRAM) eo anivon’ity EPP ity anefa dia tsy mba nisy dinika nifanaovana taminy akory izao fa hevitra novolavolain’ny talen-tsekoly samy irery izay narahiny famoriana maimaika ireo ray aman-drenin’ny mpianatra ny 01 jolay lasa teo. Tokony hihena aza ny vola satria efa voaray ho mpiasam-panjakana avokoa ireo mpampianatra FRAM enina teo aloha. Nomarihiny fa mpatsaka ranon’olona, mpanao biriky… avokoa ny ankamaroan’ ireo ray aman-dreny ao ka mila fifampitsijovana. Ny 28 sSeptambra ho avy izao no farafisoratana anarana. Nanomboka tamin’ny heriny androany ny fandraisana anarana. Tsy manaiky izao fampiakarana izao ny lehiben’ny fari-piadidiam-pampianarana Atsimondrano. Miaina ao anatin’izany ihany koa ireo ray aman-drenin’ny mpianatra ao amin’ny EPP Antokotanitsara.