Fampianarana

ENI FIANARANTSOA Mpianatra 317 no notolorana diplaoma

Fampianarana
Alatsinainy 20 Mey 2019

Mitombo hatrany ireo tanora matihanina eo amin’ny sehatry ny informatika eto amintsika. Mpianatra 317 mianadahy indray no indray navoaka tao amin’ny ENI ( Ecole Nationale d’ informatique ao Fianarantsoa) ny faran’ny herinandro teo.

Ny 102 amin’ireo no nahazo ny diplaoma licence raha notolorana ny master kosa ny 215 ambiny. Tonga nanatrika sy nanome voninahitra ny lanonana Atoa Zo Andriantsilavo, talen’ny maha olona eo anivon’ny orinasam-pifandraisana Orange Madagascar. Anisan’ny manohana arak’asa ny tanora tahaka ireny mantsy ity orinasa iray ity. Tafiditra ao anatin’izany ny fanomezany asa hiombonana ho ana vondrom-pianakaviana miisa 22. Mandray tanora hiasa hatrany, araka izany, ny orinasa misy ireto farany, hahafahana miady amin’ny tsy fananan’asa mahazo ny tanora eto amintsika.

Pati