ECD eo anivon’ny INPF sy CRFRP

Partagé sur :
• facebook

Satria andron’ny fanavaozana izao

dia mitondra ny fanovana tian’izy ireo ho tanterahan’ny fitondram-panjakana sy ny Minisitra vaovao eo anivon’ny Fanabeazam-pirenena ireo « Employés à courte durée » na ECD, izay hivondronan’ny mpiasa mitana ny andraikitra sekretera, agent de sécurité, femme de ménage, sofera, coursier, jardinier, formateur, chef de division,… eo anivon’ny INFP sy CRFRP manerana ny Nosy. Fanoavana izay tsy nisy sy tsy nipaka tamin’ izy ireo tao anatin’ny taona maro hoy i Rakotondralambo Herivelonjanahary Lambo satria tsy misy latsaky ny 8 taona niasana ireo mpiasa kanefa hatramin’izao tsy mbola voaray ho mpiasa raikitra. Ny taona 2017 no nisy « recrutement » farany amin’ny fandraisana mpiasa-panjakana raikitra raha ny fanazavan’izy ireo ary na nisy aza izany dia tsirairay ka izay manambola ihany no tafiditra. Nitaraina manoloana io toe-javatra io ireto mpiasa ireto nanomboka ny taona 2020 saingy tsy nisy nihaino fa dia nisedra fandrahonana ary natao anjoro-bala tanteraka. Ankehitriny dia miandrandra fanovana sy fijerena manokana ireo « Employés a courte durée ». Mandeha mantsy ny vaovao amin’izao fa tapitra amin’ity taona 2025 ity ny « contrat » an’izy ireo izay nomarihan’ireto farany fa tsy mbola hitan’ny masony hatramin’ny naha mpiasan’ny INFP sy CRFRP azy ireo. Takian’izy ireo noho izany ny handraisana azy ireo ho mpiasa-panjakana faran’izay haingana ary tsy hanavahana ny ECD rehetra ao amin’ny INFP sy CRFRP. Fanavaozana ny « contrat » mandra-pahatonga ny « recrutement », ny famoahana ny « subvention » aingana hisitrahan’izy ireo ny karaman’izy ireo ara-potoana.
LALAINA Rav

Tia Tanindrazana

Samia mijoro ho an'i Gasikara.