Fampianarana

DREN Vakinankaratra Atahorana ho taona fotsy ny amin’ity 2018 ity

Fampianarana
Talata 03 Jolay 2018

Vao maraina dia nifamotoana teo amin’ny tokotanin’ny DREN Vakinankaratra toy ny mahazatra ireo mpianatra an’arivony omaly.

Nambaran’ireo mpampianatra sy ny mpitarika hatrany fa tsy tompon’antoka amin’ny mety hisian’ny “taona fotsy” izy ireo fa ny mpitondra fanjakana no tompon’antoka ka izany no nivoahan’izy ireo ny faritra nanaovana fitokonana mba ho hitan’ny rehetra fa maro an’isa ireo mpampianatra atao tsinontsinona ireo, hoy Atoa Ratovonjanahary Njakasoa Robert. Nambarany mantsy fa vao in-dray andro monja ny mpitatitra no nitokona dia nivaly ny fangatahany, kanefa ny mpampianatra dia efa ho 3 volana izay, kanefa tsy mbola nisy valiny fa fampanatenana poakaty foana no azon’izy ireo. “Satria ve tsy dia misy ilana azy ny mpampianatra no tsy asiana valiny ny fangatahanay ?”, hoy hatrany izy ireo. Nanamafy moa ireto mpampianatra ireto, fa raha tsy misy valiny sy fiantraikany amin’izy ireo ato anatin’ny 2 herinadro izany dia ho taona fotsy tokoa ity taona ity, ho an’i Vakinankaratra indrindra indrindra. Tsy tao Antsirabe ihany fa nisy ihany koa ny hetsika tany Antanifotsy, Faratsiho,…

Caius R