Fampianarana

Partagé sur :
• facebook

Anisan’ireo minisitra niatrika an’ireo depiote teny Tsimbazaza omaly alarobia 22 novambra ny minisitry ny fanabeazam-pirenena Paul Rabary ka nitondra fanazavana feno ny amin’ilay PSE (Plan Sectoriel de l’Education) drafi-panarenana momba ny fanabeazana ho tanterahina tsy ho ela eto amintsika.

Novelabelarina ifotony tamin’ireo solombavambahoakan’i Madagasikara teto, hoy izy,  ny votoatin’ity planina ity sady niadian-kevitra ihany koa ary nakana fanamarihana hoenti-manatsara azyraha ilaina. Nohazavainy tamin’izany fa  rah any antontanisa misy dia miisa 1.900.000 ny ankizy eo anelanelan’ny 6-14 taona tokony hianatra nefa tsy any an-tsekoly ankehitriny ary ny 60 % amin’ireo dia tany an-tsekoly mihitsy ary ny40% dia voatery nijanona noho ny fahatran-dray aman-dreniny. Raha 50% no tonga eo amin’ny T5 dia 25 % monja no matohy any amin’ny Ceg. Raha ny tatitra azo tamin’ny Resen na “Rapport d’Etat du  Système éducatif  National » dia ambony dia ambony n y tahan’ny famerenana kilasy fa mahatratra 20 % any amin’ny ambaratonga voalohany. Izany no anisan’ny naminavinana fanavaozana lehibe ao antin’ny PSE izay hatomboka miandalana manomboka amin’ny taom-pianarana 2017-2018 ny fametrahana ny fanabezana fototra  9 taona izay ho zaraina “sous-cycle” telo lehibe ka hahatritra telo taona avy izany. Hiova miandalana ihany koa ny tetiandrom-pampianarana  ny PSE na ny teti-pivoarana ho an’ny fanabezana. Hiditra volana martsa ny taom-pianarana isan-taona ary hifarana ny volana novambra. Anisan’ny ho jerena manokana ao anatin’ny fampiharana ny PSE ny fanafoanana ny fanadinana CEPE.

Ntsoavina Evariste

Tia Tanindrazana

Samia mijoro ho an'i Gasikara.