Fampianarana

Partagé sur :
• facebook

Vonona hanatsara ny sehatry ny fanofanana paramedikaly eto amintsika ny CMR Paramed na ny drafitra fanofanana paramedikaly tarihin’ny filoha nasionaliny Razanadrakoto Roland Albert.

Nisongadina izany nandritra ny fifanakalozan-kevitra notanterahin’ny fikambanana niaraka  tamin’ireo mpiara-miombon’antoka aminy isan-tsokajiny teny amin’ny Panorama Andrainarivo ny faran’ny herinandro teo nahitana ny avy amin’ny Ministeran’ny fampianarana ambaratonga ambony, ny holafitry ny mpampivelona, ny holafitry ny mpitsabo mpanampy, ny fakiloten’ny mpitsabo… Tafiditra  indrindra ao anatin’ny fankalazana ny faha-herintaona nijoroan’ny fikambanana izany izay mbola hotohizana amin’ny alalan’ny kongresy goavam-be hatao any Faradofay  manomboka ny 22 aogositra ho avy izao. Amin’ny ankapobeny tokoa mantsy dia tsy ampy ny serasera eo amin’izy ireo raha araka ny fanazavan-dRazanadrakoto Roland Albert, antony mety hiteraka ny elanelana na ny tsy fifankazahoana eo amin’ny tsirairay indraindray. Tanjon’ny fikambanana araka izany ny hanangana fandaharam-pianarana tokana ho an’ny sekoly ambony manofana paramedikaly miankina na tsy  miankina amin’ny fanjakana entina hanatsarana ny traikefan’ireo tanora Malagasy liana amin’izany. Marihina moa fa hipariaka manerana ny faritra ny hetsika ka hisy ny fanangonan-kevitra avy amin’ny tsirairay izay aravona ho ventin-kevitra hatolotra ny foibe. Nifanandrify indrindra tamin’ny fankalazana ny andro iraisam-pirenena ho an’ny tanora izany nankalazaina ny Sabotsy teo moa izany hetsika izany.

Pati

Tia Tanindrazana

Samia mijoro ho an'i Gasikara.