Fampianarana

CONAMEPT Manomana ny rehetra amin’ny fiatrehana ny taom-pianarana

Fampianarana
Zoma 11 Septambra 2020

Efa enim-bolana lasa izay no tsy niditra an-tsekoly farany ny mpianatra teto amintsika.

Avo telo heny amin’ny vakansy lehibe izany amin’ny ankapobeny , fepetra izay tsy maintsy noraisina noho ny fihanaky ny valan’aretina Covid 19 teto amintsika. Manoloana io tranga io dia somary mikaviavia avokoa na ny mpampianatra na ny mpianatra amin’ny fiatrehana ny taom-pianarana vaovao 2020-2021 indray, raha toraka izany koa ny Ray aman-dReny. Nisy araka izany ny fiofanana nomen’ny CONAMEPT amin’ny alalan’ny fitetezam-paritra entina hanomanana ny sain’ny mpampianatra sy ny Ray aman-dRenin’ny mpianatra indrindra manoloana ny mbola fisian’ny ny valan’aretina coronavirus eto amintsika. Tany amin’ny ZAP-n’Ankadinandriana no nisantaran’izy ireo izany afak’omaly Talata hitohy any amin’ny ZAP-n’i Sabotsy Namehana. Nambaran-dRtoa Huguette Racoali, tompon’andraikitra eo anivon’ny CONAMEPT nandritra izany fa anisan’ny tanjona hotratrarina ny hamerenana amin’ny laoniny ny taom-pianarana toy ny teo aloha ka hahafahan’ny Ray aman-dRenin’ny mpianatra sy ny mpampianatra mifanome tanana hahazoana vokatra tsara na dia mbola eo aza ny valan’aretina Covid 19.

Pati

Sary fanehoana