Fampianarana

CNTEMAD Hanomboka hampiasa ny « Logiciel ENT »

Fampianarana
Talata 16 Janoary 2018

Hanomboka hampiasa ilay logiciel ENT « Environnement Numérique de travail » amin’izay amin’ity taona 2018 ity ny oniversitem-panjakana CNTEMAD manerana ny Nosy,

fanatsarana izay efa noketrehina tao anatin’ny taona vitsy. Logiciel natao hanamorana ny fifandraisan’ny mpampianatra sy ny mpianatra, ireo tompon’andraikitry ny sekoly sy ny mpianatra… io logiciel io, manana tanjona hanatsara hatrany ny fari-pahaizan’ilay mpianatra sy ny mombamomba azy, ny fifandraisana eo amin’ny roa tonta raha araka ny fanazavan’Atoa Djohary Andrianambinina, tompon’andraikitra voalohany eo anivon’ity oniversité iray ity. Ankoatra izay dia efa milamina soa aman-tsara ihany koa ny fiaraha-miasan’izy ireo amin’ny M Vola amin’izao entina hisorohana ny filaharam-be tsy maintsy hataon’ny mpianatra eny amin’ny amin’ny banky amin’ny fandoavana ireo karazana vola ilaina hahafahana miatrika ny fianarana….Tsy misy intsony ny ahiana hoy Atoa Djohary Andrianambinina, raha tsy natao ho an’ireo tanora eto an-drenivohitra ihany ny sekoly fa efa miparitaka manerana ny Nosy. Mbola mitohy moa ny fisoratana anarana eo anivon’ny CNTEMAD amin’izao raha miisa valo ihany koa ireo karazana lalam-piofanana azon’ny mpianatra safidiana sy hianarana.

Pati