Fampianarana

CNR – Minisiteran’ny fampianarana ambaratonga ambony Ahiana tsy handray karama hatramin`ny aprily 2020

Fampianarana
Zoma 06 Desambra 2019

Miisa 9 ny ivontoeram-pirenena misahana ny fikarohana (Centres nationaux de recherche) eto Madagasikara. Rantsamangaika eo

anivon`ny ministeran`ny fampianarana ambony sy ny fikarohana siantifika. Raha ny fantatra, dia tsy haloa ny karaman`ny mpiasa ao amin`ireo ivontoerana ireo amin`ity volana ity. Antony, tsy mahatafavoaka ny tohana ara-bola ho an’ireo ivotoerana ireo ny Ministera hatramin’izao. Ahiana ihany koa ny tsy handraisan’ireo mpiasa an`arivony ireo karama hatramin`ny fotoana hahafahana mamoaka izay tohana izay any amin`ny martsa na aprily 2020 farafahaingana. Etsy an-kilany, saika hakatona ihany koa ny CNRIT (Centre national de recherche industrielle et technologique) satria vitsy ny mpikaroka miasa ao. Marihina fa io ivontoerana io dia manana “brevets“ maro ary manana voka-pikarohana tsara sady azo ampiasaina ho an’ny fampandrosoana. Saingy nihemotra tamin`ny fanapahan-keviny indray ny ministera. Andrasana moa ny vahaolana maharitra eo anivon`ny fampianarana sy fikaroahana eto amintsika satria ny vokany hatreto dia manao grevy ny SECES Antananarivo, Antsiranana, Toliara, Fianarantsoa. Noho izany, mila politikam-pikarohana matotra ny ministera.

Marigny A.