Fampianarana

Partagé sur :
• facebook

Feno herin-taona sahady ny « Cercle Mixte de Reflexion pour la révalorisation de formation paramedicale » eto Madagasikara na ny CMR Paramed tarihin’ny filohany Razanadrakoto Roland Albert.

Ny Sabotsy 12 Aogositra ho avy izao no hanaovana ny fankalazana izay hifanindry an-dalana amin’ny fanamarihana ny andro iraisam-pirenena ho an’ny tanora. Hetsika marobe  no entina hankalazana izany toy ny famelabelarana ara-tsiantifika maro samihafa.  Tafiditra ao anatin’izany ny foto-kevi-dehibe mahakasika ny pôlitika vaovao momba ny fahasalamam-bahoaka eto Madagasikara, iarahana amin’ny Ministeran’ny fahasalamana. Ny toeran’ny paramédicaux eo amin’ny rafitry ny fahasalamam-bahoaka misy ankehitriny, iarahana amin’ny fikambanana Paramédicaux,  ny foto-kevitra ara-politika sy pedagojika amin’ny rafi-panofanana paramedikaly (FACMED) iarahana amin’ny Ministeran’ny Fampianarana ambaratonga ambony, ny toeran’ny sekoly manofana ho paramed miankina sy tsy miankina amin’ny fanjakana amin’ny ezaka hanatsarana ny kalitaon’ny fampianarana iarahana amin’ny IFIRP…  Hamaranana izany ny fiaraha-midinika toy ny fanitsiana ara-pôlitika sy pedagojika ny rafi-pampianarana paramedikaly amin’ny fakiolté-n’ny fitsaboana hifanaraka amin’ny filan’ny tsenan’ny asa eto an-toerana sy any ivelany. Ity no andiany voalohany amin’ny hetsika izay misandrahaka manerana ny Nosy raha ho avy tsy ho ela ny andiany faharoa sy fahatelo. Hatolotra manontolo ny Ministera mpiahy sy ny fakiolte-n’ny fitsaboana ny vokatra azo rehetra amin’izany.

Pati

Tia Tanindrazana

Samia mijoro ho an'i Gasikara.