Fampianarana

CISCO Antananarivo Renivohitra Tohanana manokana ireo mpianatra hiatrika CEPE sy BEPC

Fampianarana
Alarobia 07 Febroary 2018

Hifarana ny 02 martsa ho avy izao, araka ny fanazavan’ny lehiben’ny fari-piadidiam-pampianaran’Antananarivo Renivohitra Rtoa Rakotozafy Ramasy Harisoa, ny fisoratana anarana ho an’ny fanadinam-panjakana CEPE amin’ity taona 2018 ity.

Ny volana janoary lasa teo no nanomboka ny fisoratana anarana izay notsindriany manokana fa efa lavalava ihany ka tsy tokony ho tara amin’ny fikarakarana ny antontan-taratasy ilaina amin’izany ny ray aman-dreny. Ho an’ity fari-piadidiam-pampianarana iray ity manokana dia fantatra fa efa ao anatin’ny fanomanana tanteraka izy ireo. Ho an’ny fanadinana CEPE, ohatra, dia hisy ny “cours de soutien” omena maimaimpoana ny mpianatra rehetra ao amin’ny taona voalohany ka hatramin’ny taona fahadimy, iarahan’ny mpampianatra sy ny talen-tsekoly. Hanaovana andrana isaky ny taranja mihitsy izany, ho an’ny mpianatra tsirairay avy. Ho an’ireo mpianatra eny anivon’ny sekoly ambaratonga faharoa indray, indrindra fa ireo hiatrika ny fanadinana BEPC dia hisy ny fiofanana omena ny mpampianatra entina hanatsarana ny kalitaon’ny Fanabeazana mba hahazoana vokatra mahomby. Ho an’ny fanadinana BEPC manokana moa dia tsara ny mampahatsiahy fa hifarana ny 08 martsa ho avy izao ny fisoratana anarana.

Pati