Fampianarana

CEG SOAMANANDRARINY Mpianatra 300 isan-taona ihany no azo raisina

Fampianarana
Talata 21 Desambra 2021

Mijaly amin’ny resaka efitranon-tsekoly ny CEG ao Soamanandrariny, kaominina ambanivohitra Ambohimangakely. Raha mahatratra 600 isa isan-taona mantsy ireo ankizy afa-panadinana CEPE

eny amin’ny manodidina dia tsy manana efitrano fianarana mahazaka mpianatra afa-tsy 300 isa izy ireo. Vokany, maro amin’ireo mpianatra eny amin’ny manodidina no mitsoaka an-daharana tsy fidiny raha misy mijanona eo amin’ny fahazoany ny mari-pahaizana CEPE mihitsy ny sasany. Ankoatra izay dia mbola olana hafa ihany koa ny tsy fananan’izy ireo cantine scolaire. Mba ho fanampiana ity CEG ity dia tonga nanolo-tanana ho azy ireo ny fikambanana Lions Club Antananarivo. Ankoatra ny fitsinjovana manokana ireo mpianatra miisa 987 dia zokiolona miisa 110 tao an-toerana ihany noa no notolorama fotsim-bary sy siramamy ary menaka noho ny fahatongavan’ny fetin’ny Krismasy sy ny faran’ny taona. Nifarana tamin’ny zoma teo moa ny fianarana roa volana faharoa tamin’ity taona 2021 ity ho an’ny CEG Soamanandrariny ho fiarovana ny mpianatra amin’ny fiparitahan’ny valan’aretina COVID 19.
Pati
Legende : Mitovy ny olan’ireo mpianatra eny anivon’ny CEG amin’ny ankapobeny !