Fampianarana

CCHA Namoaka ny andiany «Iraka Vonona»

Fampianarana
Alatsinainy 16 Novambra 2020

Sady fampahafantarana no fisehoana ampahibemaso. Toy ny isan-taona, nanolotra seho an-tsehatra niavaka, hanehoan` ny mpianatra ny talentany sy ny fahaizana notovozin` izy ireo nandritra ny taom-pianarana ny Cours de Clavier Hery Andriatahina (CCHA).

Araka izany, nampahafantarina omaly alahady, tetsy amin` ny Amphithéâtre LTC Ampefiloha, ireo mpianatra aponga maroafitsoka (clavier) miisa 6, izay mitondra ny anarana hoe «Iraka Vonona». Andiany faha-31 ity nampahafantarina ity tao anatin` ny 18 taona nijoroan` ny sekoly CCHA. Ankoatr` izay, nanome hanitra hafa ny lanonana ihany koa ny mozika sy kalo iza noventesin` ny orkestra CLUB CCHA. Mitahiry, mikaroka ary mampita izay rehetra mahakasika ny mozika moa ny sekoly. Azo faritana hoe tahala natao hanomana ny taninketsan` ny zavakanto ity sekoly ity. Ho an` izay manam-paniriana hahafehy ny manodidina ny clavier sy ny feo dia efa misokatra kosa ny fisoratana anarana amin` ny taom-pianarana manaraka eo. Legende: Izy enina mianadahy avy amin` ny andiany «Iraka Vonona»

Marigny A.