Fampianarana

CANAL PLUS sy ny Ministeran’ny Fanabeazana Matotra ny fiaraha-miasa

Fampianarana
Alakamisy 14 Desambra 2017

Manga ny fiaraha-miasan’ny minisiteran’ny fanabeazam-pirenena sy ny orinasam-pifandraisana Canal Plus.

Mba hitsinjovana ny tombontsoan’ireo ankizy mpianatra manovo fahalalana eny anivon’ireo sekolim-panjakana miisa 20 eto amintsika mantsy dia hanome famamndrihana (abonnement) maimaimpoana ho azy ireo mandritra ny efa-taona ny Canal Plus, amin’ny alalan’ny fanatanterahana ilay tetikasa « télévision numerique pour l’école ». Ireo sekoly manana fahitalavitra sy mahazo herinaratra ihany anefa no hahazo tombontsoa amin’izany. Tontosa omaly alarobia teny Andraharo, misy ny foiben-toeran’ity orinasam-pifandraisana ity ny fifanaovan-tsoniam-piaraha-miasa mifandraika amin’izany nahitana ny minisitra Rabary Paul an-daniny ary Atoa Jean Francois Duboy, tale jeneralin’ny Canal Plus an-kilany. Ny hahafahan’ireo sekoly mampiasa ny fifandraisana manerana izao tontolo izao amin’ny alalan’ny Canal Plus no tanjona. Nomarihin’ny minisitra Paul Rabary fa herintaona ihany no omeny ny Canal Plus amin’ny fikarakarana sy ny fikojakojana ny fitaovana. Ny ankoatra izay dia horaisin’ny minisitera an-tanana raha sanatria ka misy fahasimbana, hoy izy.

Pati