Fampianarana

Betsiboka Omena lesona sy fanazarana ny mpianatra rehetra

Fampianarana
Sabotsy 18 Aprily 2020

Nahita hevitra ny sampandraharaham-paritry ny fanabeazana [DRENETP] Betsiboka hanampiana ny mpianatra amin’izao fialan-tsasatra tsy fidiny nateraky ny coronavirus izao.

Efa iray volana tokoa mantsy izay no tsy nandia ny varavaran-tsekoly intsony ny mpianatra ka mila hetsiketsehana kely mba tsy ho very izay fahaizana sy fahalalana efa hananany. Nomen’izy ireo tombony manokana amin’izany ireo mpianatra ao amin’ny taona fahadimy sy fahasivy izay samy hiatrika ny fanadinam-panjakana CEPE sy BEPC. Omena fanazarana amin’ny alalan’ny pejy facebook-n’ny DRENETP izy ireo ary omena ny valiny rehetra afaka telo andro. Ireo mpianatra rehetra manerana ny Nosy dia afaka manaraka sy miaina izany avokoa raha araka ny vaovao azo hisorohana ny fahasahiranana mety hitrangana rehefa miverina amin’ny laoniny ny fampianarana. Nomarihin’ireo tompon’andraikitra any an-toerana moa fa ankoatra ireo ankizy mpianatra hiatrika ny fanadinam-panjakana dia omena tombony ihany koa ireo kilasy hafa rehetra ho tombontsoan’ny zaza Malagasy.

Pati