Fampianarana

Bakalorea teny Ampitatafika Mpiambina fanadinana no tratra niketrika laza adin’ny mpianatra

Fampianarana
Talata 18 Jolay 2023

Nahatratra 34 isa ny fanaovana hosoka sy fikasana hanao hosoka tra-tehaka tao anatin’ny andro voalohany

nanombohan’ny fanadinana bakalorea tao amin’ny faritr’i Sofia, raha ny fampitam-baovao voaray omaly. Ankoatra ireo mpiadina nahatrarana taratasy feno lesona saika nandikana valin'ny laza adina dia nahatrarana olona hafa nisolo mpiadina. Tetsy Ampitatafika koa dia ny mpiambina fanadinana na “surveillante” mihitsy no tratra niketrika ny laza adin'ny mpianatra. Raha ny fampitam- baovao azo ihany koa dia tranga mamoha henatra no nisy tetsy amin'ny EPP Analakely satria dia nisy mpiadina nanome 5000 Ariary ireo mpiambina mbola tanora kely, izay voalaza fa mbola mpianatra,dia afaka nijery ny tambazotra “Google” tamin'ny finday nandritry ny taranja anglisy, raha ny fampitam-baovao voaray hatrany. Mbola manantena hanao toy izay ihany ve izany ireo mpiadina ireo anio? Anaovana antsoavo ireo tomponandraikitra mikarakara ity fanadinana bakalorea ity mba hanamafy ny fahamatorana amin'ny fandrindrana ny fanadinana sy ho hentitra manoloana ireo mpiambina na dia nosambontsamborina sy tsy mbola handray vola aza izy ireo raha tsy afaka roa na telo taona any aoriana, hoy ny fanehoan-kevitrana ray aman-dreny iray. Aleo tsy atao kitoatoa ny fandrindrana ny fanadinana fa manimba sy manakorontana ny sain'ny mpiadina ny zavatra toy izao, hoy hatrany ny fanehoan-kevitra.
J. Mirija