Fampianarana

Bakalorea -Antananarivo Hivoaka ny 25 aogositra ny vokatra

Fampianarana
Talata 18 Jolay 2017

Ho tanterahina ny 24 jolay ho avy izao manerana ny Nosy ny fanadinana bakalôrea taona 2017. Miisa 74. 577 ireo mpiadina rehetra hiatrika izany , ka 69.539 amin’ireo no ao amin’ny sokajy ankapobeny raha 5.038 kosa ny sokajy teknika.

Nitombo 1,87% ny taham-pandraisana anjara raha oharina tamin’ny taon-dasa, raha araka ny fanazavan’ny talen’ny ofisian’ny baka Rakotoson Olivier. Efa vonona tanteraka amin’ny fiatrehana izany kosa ireo tompon’andraikitra isan-tsokajiny. Efa fantatra hatramin’ny fotoana hivoahan’ny voka-panadinana, izay tombanan’izy ireo ny 25 aogositra ho avy izao ho an'ny eto Antananarivo renivohitra. Hanaraka moramora kosa aorian’izany ny any amin’ny faritra. Marihina moa fa nampiana roa ny ivon-toeram-panadinana Antananarivo dia ny eny Talatavolonondry sy Mahasolo. 12 taona no zandriny indrindra hiatrika izany ao amin’ny sokajy A2 raha 74 taona no zokiny indrindra, izay nisafidy ny sokajy D. Miisa dimy kosa ireo tera-tany vahiny hiatrika izany ; miisa 4 ireo manana olana ara-pahitana raha 9 ireo marenina.

Pati