Fampianarana

Avaradrano 78,46 % ny taham-pahafahana CEPE

Fampianarana
Alatsinainy 07 Septambra 2020

Nivoaka omaly alahady maraina ny voka-panadinana CEPE ho an’ny fari-piadidiam-pampianarana Avaradrano, taorian’ny fankatoavana nataon’ny Ministeran’ny Fanabeazam-pirenena.

78,46 % ny taham-pahafahana raha araka ny vaovao navoakan’ny solombavambahoaka voafidy ao Avaradrano tamin’ny alalan’ny pejy facebook-ny. Tsara ny vokatra azo tamin’ny ankapobeny ary niarahaba manokana ireo kilonga madinika tao amin’ny taona fahadimy rehetra tafavoaka soa aman-tsara tamin’izany fifaninanana izany ity solombavambahoaka ity. Omaly alahady moa no vita soa aman-tsara ny fampidirana ny anaran’ireo mpiadina afaka tao anaty solosaina izay mbola nampiana fanaraha-maso manokana izay vao navoaka ho hita ampahibemaso. Ny zoma lasa teo kosa no nivoaka ny voka-panadinana CEPE ho an’ny fari-piadidiam-pampianarana ao Ambatolampy. Mpiadina 4.039 tamin’ireo 5.946 nisoratra anarana no afaka soa aman-tsara manome salan’isa 67,47%. Nivoaka ny faran’ny herinandro teo ihany koa ny an’ny fari-piadidiam-pampianarana Atsimondrano. Somary nisy korontana kely teny Tanjombato ka nihemotra tamin’ny ora farany ireo mpamoaka ny vokatra ny sabotsy lasa teo raha efa nivoaka kosa ny teny Itaosy.

Pati