Fampianarana

Arsivan’ny tranombokim-pirenena Avadika ho nomerika

Fampianarana
Zoma 25 Aogositra 2017

Nitsidika ny tranombokim-pirenena Anosy sady toerana misy ny minisiteran’ny kolontsaina sy ny asa tanana ny filoham-pirenena Hery Rajaonarimampianina omaly.

Nitari-dalana azy ny minisitra Rabenirina Jean Jacques sy ireo tompon’andraikitra eo anivon’ny tranombokim-pirenena. Sarobidy ireo boky satria ny ankabeazany, dia saro-tadiaviana ary mety tsy hita afa-tsy ao. Mirakitra fahalalana sy tahirin-kevitra mahaliana mikasika ny firenentsika, ary azon’ny mpianatra na ny mpianatra-mpikaroka transrahana tsara, raha ny fanehoan-kevitry ny filoha. Naneho ny hidirana amin’ny nimerika sy ny fanajariana ny fotodrafitrasa ihany koa ny tenany. Nandritra io fandalovany tao amin’ny tranombokim-pirenena io no nanararaotany nijery ireo voninkazo tsy dia fahita raha tsy eto amintsika ary indrindra ireo orkidea, izay nambolena eny an-toerana, izay nahafa-po tanteraka ny filoha.

Toky R