Fampianarana

Ankizy hiatrika CEPE –Anosizato andrefana Notoloran’ny MAPAR fanomezana

Fampianarana
Alatsinainy 12 Jona 2017

Efa tena mihatra aman’aina mihitsy ny fahorian’ny vahoaka Malagasy ankehitriny, hoy ny antoko MAPAR etsy Anosizato Andrefana.

Na ny hanina hohanina aza mila tsy ho hita intsony vokatry ny fisondrotan’ny vidim-piainana andro aman’alina nefa tsy hita taratra akory izay fandraisan’andraikitry ny fitondrana, hoy hatrany izy ireo. Ho an’ireo ray aman-dreny manan-janaka hiatrika ny fanadinam-panjakana CEPE dia mbola betsaka amin’izy ireo no tsy nanomana akory, antony nanosika ny antoko MAPAR Anosizato Andrefana hanolotra fanomezana ho an’ireo ankizy 350 mianadahy ao aminy. Ireo tena sahirana ara-pivelomana no nahazo tombontsoa tamin’izany, fitaovana izay nahitana pensily hazo, penina, kahie, trousse…. Nambaran-dRandrianjafy Elidiot, talen’ny EPP Anosizato Andrefana teo aloha fa tsy hijanona hatreo ny hetsika ho azy ireo. Hitohy hatrany izany, indrindra ho fanampiana ireo vahoaka sahirana mba ho fitsinjovana ny mpiray tanindrazana.

Pati