ANDRON'NY SEKOLY

Partagé sur :
• facebook

Hankalazaina amin'ity herinandro ity

ny andron'ny sekoly na ny journée des écoles. Amin'ny ankapobeny dia samy mañana ny fomba entiny hanamarihana izany ny sekoly tsirairay avy, indrindra fa ny sekoly tsy miankina. Ho an'ny sasany dia nosantarina tamin'ny fambolenkazo izany ka tamin'ny Zoma 13 Febroary teo dia efa tsy nianatra mitohy mandritra ity herinandro ity. Ho an'ny sasany indray dia mbola mianatra hatramin'ny anio Alarobia 18 Febroary raha manomboka rahampitso Alakamisy sy amin'ny Zoma ho avy izao vao tsy mianatra. Na izany aza misy ny fifaninana baolina kitra, fanadiovana sekoly...entina hahatsiarovana izany. Somary naka aina kely ny mpianatra noho izany mialohan'ny hidirana amin'ny roa volana faha-efatra. Volana Martsa izay fantatra fa hiomanana sahady amin'ny fiatrehana ny fanadinana mialohan'ny Fetin'ny Paska indray. Fantatra moa fa efa saika nahavita ny antsasaky ny fandaharam-pianarana mihoatra ny ankamaroan'ny sekoly. Ezahina ho vitaina ato anatin'ny roa volana faha-efatra ny ambiny raha efa famerenana sy famintinana sisa no hatao, ao anatin'ny roa volana fahadimy indrindra fa ho an'ireo kilasy hiatrika ny fanadinam-panjakana toy ny CEPE sy ny BEPC. Ho ana talen-tsekoly iray nanaovana fanadihadiana moa dia fantatra fa ny roa volana fahadimy no tena mafy indrindra noho izy io hanomanana ny mpianatra hiatrika ny fanadinam-panjakana na ara-batana izany na ara-tsaina. Miantoka ny fahombiazan'ny mpianatra sy ny sekoly feno izany raha araka ny fanazavany hatrany.
Pati
Légende : Miala sasatra kely ny ankamaroan'ny mpianatra amin'ity herinandro ity !
 

Tia Tanindrazana

Samia mijoro ho an'i Gasikara.