Fampianarana

Aiza no hanohy fianarana ? Tongava ao amin’ny “Salon des études Supérieures”

Fampianarana
Sabotsy 02 Septambra 2017

Raikitra indray ny “Salon des études Supérieures” karakarain’ny Madajeune.

Andiany faha-14 ny amin’ity ary hotontosaina etsy amin’ny Lapan’ny kolontsaina sy ny fanatanjahantena Mahamasina ny 7 sy 8 septambra ho avy izao. Sekoly ambony 65 isa amina tranoheva 100 izay vaovao ny ankamaroany no handray anjara hampahafantatra ny tolotra omeny, ka anisan’ireny ny avy any Antsirabe, Fianarantsoa. Anisan’ny hampiavaka ny hetsika io. Ankoatra izay, araka ny fanazavan’Atoa Lahatra Andriamahatsangy mpikarakara dia hisy tetikasa iray antsoina hoe : Pipom izay hanoro hevitra fotsiny ireo mpianatra vao afa-panadinana Bakalôrea 2017 mikasika ny lalam-piofanana tokony harahiny sy ny asa azo antenaina aorian’izay. Arahin’ny fivarotana ilay « Guide des études et Formation » avy amin’ny Madajeune izay hanampy ny mpianatra amin’ny fitadiavana fianarana azo antoka hahafahana miady amin’ny tsy fananan’asa. Anisan’ny manohana akaiky ity hetsika ity ny sekoly ambony ITU University.

Pati