Fampianarana

Ahiahy momba ny fandaharam-pianarana vaovao Misy sekoly efa mitady vahaolana

Fampianarana
Talata 30 Mey 2017

Anisan�ny miteraka resabe eny anivon�ny fiarahamonina amin�izao fotoana izao ny fanovana ny fandaharam-pianarana hotontosain�ny minisiteran�ny fanabeazam-pirenena.

Lohalaharana amin’izany ny fampidirana ny fanagasiana, ny fanafoanana ny fanadinam-panjakana CEPE, ny fihemoran’ny fidiran’ny mpianatra hanjary ho volana martsa … Tototry ny fanontanian’ny ray aman-dreny ireo talen-tsekoly ka tsy vitsy ireo mitady vahaolana hampilamin-tsaina azy ireo. Anisan’ireny ny lisea tsy miankiana Edenah eny Antanjombe Ambohimanarina. Hanatanteraka fivoriana tsy ara-potoana ho an’ny ray aman-drenin’ny mpianatra izy ireo ny 10 jona ho avy izao. Hisy ny fiantsoana tompon’andraikitra avy eo anivon’ny minisiteran’ny fanabeazam-pirenena, hoy ny talen-tsekoly Ravololomanana Clarisse. Ny hahafahan’ny ray aman-drenin’ny mpianatra manana fitoniana no tanjona sady hahafahan’ny sekoly mandray andraikitra ihany koa toy ny fanomezana fiofanana ho an’ny mpampianatra avy hatrany izay tokony hanomboka amin’ny vakansy lehibe ho avy izao. Ny 17 jona kosa no hamarana amim-pomba ofisialy ny taom-pianarana izy ireo arahin’ny vavaka fangataham-pitahiana ho an’ireo mpanala fanadinana.

Pati