Fampianarana

Ady amin’ny tsy fananan’asa Hofanina araka ny filana ireo mpianatra

Fampianarana
Alarobia 27 Septambra 2017

Hofanina hifanaraka amin’ny filan’ireo karazana orinasa misy eto amintsika manomboka izao ireo mpianatra manovo fahalalana eny anivon’ny fampianarana teknika sy ny fanofanana arak’asa.

Ny mba hialana amin’ilay fidodonanam-poanan’ny mpianatra noho ny tsy fahitany asa no antony, aorian’ny fianarany raha araka ny fanazavan-dRakotonirainy Georges, sekretera jeneraly eo anivon’ity minisitera iray ity sady hahafahana manatsara ny fidiram-bola eny anivon’ny tokantrano ihany koa. Nanjary tafiditra hampianarina ireo mpianatra eo anivon’ny fampianarana teknika ny resaka zaitra toy ny fandidiana lamba, ny fananganana azy hanjary ho akanjo ohatra na pataloha…Haharitra dimy taona ity tetikasa ity, raha araka ny fantatra, tohanan’ny UNESCO sy ny Repoblikan’i Korea Avaratra vola. Nisy ny atrikasa notanterahin’izy ireo niaraka tamin’ireo karazana orinasa misy eto amintsika omaly teny amin’ny hotel Colbert Antaninarenina ao anatin’ilay tetikasa « Bear II ».

Pati