Voapoizina teny Ambohimalaza

Lasa natao EVASAN i Rahamefy Tojomanana

Fahasalamana
Talata 09 Septambra 2025

Lasa natao EVASAN na «Evacuation sanitaire»,

izany hoe nahazo fitsaboana any ivelany, any Maorisy omaly tolakandro i Rahamefy Tojomanana, isan'ireo voapoizina teny Ambohimalaza, raha ny fampitàm-baovao voaray. Sitrana efa nody tany an-tranony fa niverina narary indray izy. Omaly tamin’ny 4 ora sy sasany tolakandro no niainga teo Ivato izy sy ny mpitsabo iray izay nanara-maso ny fahasalamany hatramin'izay ary ny infirmiera iray. Mahazaka tsara ny fandehanana fiaramanidina izy, araka ny fizahana natao mialoha. Voalaza fa ny filoham-pirenena mivady no mandray an-tanana ny fiantohana an'i Tojo any Maorisy. Tahaka izany koa ny fanaraha-maso ny fitsaboana ireo 7 mianadahy eto an-toerana, hoy hatrany ny fampitàm-baovao voaray. Isan’ny fanontaniana mipetraka etsy ankilan’izay ny hoe fa maninona no izy irery?
J. Mirija