Fahasalamana

Vaksiny Polio Nilamina tamin’ny ankapobeny

Fahasalamana
Zoma 19 Janoary 2018

Nizotra tamim-pilaminana ny andro voalohany sy ny faharoa nanatanterahana ilay fanaovam-baksiny faobe iadiana amin’ny aretina lefakozatra manerana ny Nosy ho an’ireo ankizy latsaky ny dimy taona.

Raha araka ny fanazavan’Atoa Ratsirarson Joséa, tale jeneralin’ny minisiteran’ny fahasalamam-bahoaka dia tsy nahenoana olana tamin’ity andiany faha-12 ity. Ny teny anivon’ny sekoly no tena nampanahy mafy azy ireo. Nandray tamim-pilaminana ny sekoly taorian’ny fandaminana natao tamin’ny ray aman-dreny. Ho an’ireo nanaiky nanaovana vaksiny ny zanany dia tonga nanatrika mihitsy izy ireo toy ny hita tetsy anivon’ny sekoly La Prime Anosibe omaly. Saro-pady rehefa zavatra miditra any am-bava, hoy Razafinjatovo Mbolasoa, tompon’andraikitra iray eo anivon’io sekoly io. Noho izany tsy maintsy hakana hatrany ny hevitry ny ray aman-dreny. Ny 16 janoary teo raha tsiahivina no nahazo ny fampilazana avy amin’ny minisitera ny sekoly rehetra.

Pati