Fahasalamana

Vaksiny fanefitry ny aretina kitrotro Hotanterahina ato ho ato ny andiany manaraka

Fahasalamana
Alatsinainy 11 Febroary 2019

Mbola betsaka ireo ankizy lasibatry ny aretina kitrotro amin’izao fotoana izao. Toraka izany koa ny olon-dehibe noho ny fihenan’ny hery fiarovana ao anatiny.

Ho an’ny Faritra Itasy raha ny vaovao avy amin’ireo mponina any an-toerana dia mitety varavarana mihitsy ny aretina kitrotro ka ireo ankizy madinika no tena mahita faisana amin’izany. Mba hahafahana manafoana tanteraka ity aretina iray ity ary dia hanatontosa fanaovam-baksiny faobe iadiana amin’ny aretina kitrotro ny Ministeran’ny Fahasalamam-bahoaka ato ho ato. Distrika miisa 15 hita fa faritra mena indray no hanatanterahana izany raha 15 isa teo aloha. Ankizy manodidina ny 2 tapitrisa raha kely indrindra no ezahina hahazo tombontsoa amin’izany ka ireo zaza mbola minono sivy volana hatramin’ny 9 taona ihany aloha no ezahina hisitraka izany. Anisan’ny hahazo tombontsoa betsaka amin’ity fanaovam-baksiny faobe iadiana amin’ny aretina kitrotro ity moa ny any amin’ny faritra avaratra sy atsinanan’ny Nosy.

Pati