Fahasalamana

Tsenan’Anosibe Nakatona ary nodiovina tanteraka

Fahasalamana
Alarobia 11 Oktobra 2017

Nisy ny fanadiovana faobe nataon’ny kaominina Antananarivo renivohitra (CUA) tao amin’ny tsenan’Anosibe, tsena lehibe eto Antananarivo renivohitrana hifaneraseran’ny mponina manerana an’I Madagasikara.

Niara-nisalahy tamin’izany ny CUA tamin’ny alalan’ny boriborintany faha-4 , ny BMH birao misahana ny fahasalamàna eo anivon’ny kaominina, ny sampana mpamonjy voina ary ny Fikambanan’ny delegen’ny mpivarotra , ny mpiambina ny tsena : AFTAT , TAM, FSATA,… Nanomboka tamin’ny 12 ora dia efa nanidy tsena avokoa ny mpivarotra araka ny toromarika avy amin’ny lehiben’ny tsena satria tsy maintsy atao ny tolak’andro ny fanondrahana ranom-panafody hamonoana ny bibikely rehefa avy diovina sy tondrahan’ny mpamonjy voina. Tonga tao an-toerana nijery ny fanadiovana ny lefitra voalohan’ny ben’ny tanana Ramboasalamana Emilien. Natao ny hetsika hiadiana amin’ny resaka pesta, hoy izy na dia mbola tsy nisy trangana pesta aza teto amin’ny tsenan’Anosibe, ka aleo misoroka toy izay mitsabo , ary tsy hijanona eto fa hiitatra manerana ny tsenan’ny boriborintany sy ny fokotany manerana an’Antananarivo renivohitra ny fanadiovana. Manoloana izany indrindra, dia tsy handefitra intsony ny tananan’Antananarivo ho an’ireo izay mbola minia manao maloto eny rehetra ireny fa hihatra ny sazy ho an’ireo tsy manaja ny fitsipiky ny fahadiovana na “code d’hygiène”. Araka izany, hidina eny anivon’ny boriborintany ny “inspecteur d’hygiène”. Marihina moa fa tsy hoe rehefa misy ny pesta ihany vao manao fanadiovana faobe toy izao fa efa asa fanao isaky ny alahady izany.